បែកធ្លាយលិខិតពីច្បាប់ជម្រាបមក លោកសឹង គិរីវណ្ឌី ស្តី អំពីភាពមិនប្រក្រតីចុងឆ្នាំ២០២៣ ដល់ឆ្នាំ២០២៤ថ្មីត្រូវបានមេឃុំ ចំនួនពីឆ្លើយដាក់ទៀត រឿងគម្រោងដេញថ្លៃផ្លូវបេតុងអាមេ ដែលមិនដាក់ប្រកាសឱ្យដេញថ្លៃ នៅឃុំសេដានឹងឃុំគោកស្រុក នៃស្រុកតំបែ....

កម្លាំងការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ បង្ក្រាបជនសង្ស័យឆក់ទូរស័ព្ទ នៅសង្កាត់ស្ទឹងមានជ័យ១ ខណ្ឌមានជ័យ

ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ និងលោកឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន នៅថ្ងៃទី២០ ខែកុម្ភៈ​ ឆ្នាំ២០២៤ វេលាម៉ោង២០៖១៥នាទី​ កម្លាំងការិយាល័យព្រហ្មទណ្ឌកម្រិតស្រាល ដែលមានលោកវរសេនីយ៍ឯក ឡេង ប៊ុនហួរ នាយការិយាល័យ, លោកវរសេនីយ៍ទោ មឿន ដារ៉ារិទ្ធិ នាយរងការិយាល័យ បានដឹកនាំកម្លាំងជំនាញ ចុះល្បាតបណ្តោផ្លូវវេងស្រេង មុខធនាគារ ABA ច្រមុះជ្រូកស្ទឹងមានជ័យ ក្នុងភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានី​ភ្នំពេញ​ ក៏ប្រទះឃេីញជនសង្ស័យ​​ចំនួន២នាក់ ជិះម៉ូតូចំនួន១គ្រឿងបានធ្វេីសកម្មភាព​ឆក់​ទូរស័ព្ទដៃពីនារីរង់គ្រោះម្នាក់​ឯង​ មិនបានសម្រេចដែលកំពុងជិះម៉ូតូសំដៅទៅផ្ទះ។

ភ្លាម​នោះកម្លាំងជំ​នាញ​ការិយាល័យធ្វេីការប្រដេញនឹង ​ឃាត់ខ្លួនជនសង្ស័យបានម្នាក់ ឈ្មោះ​ ថោង វ៉ាន់ដែន ភេទប្រុស អាយុ៣៦ឆ្នាំ មុខរបរមិនពិតប្រាកដទីកន្លែងស្នាក់នៅផ្ទះជួល ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញរីឯជនសង្ស័យម្នាក់ទៀត ដែលជានាក់បើកម៉ូតូបានរត់គេចខ្លួនបាន។ 

សម្ភារដកហូតរួមមាន ម៉ូតូ០១គ្រឿង ម៉ាក BEAT ពណ៌ខៀវស ពាក់ស្លាក​លេខ​ ភ្នំពេញ​1HP-4412។ 

បច្ចុប្បន្ន​កម្លាំងជំនាញបាននាំជនរងគ្រោះ មកដាក់ពាក្យបណ្តឹង នឹងនាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ​ ដេីម្បីធ្វេីការសាកសួរ​ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕