បែកធ្លាយលិខិតពីច្បាប់ជម្រាបមក លោកសឹង គិរីវណ្ឌី ស្តី អំពីភាពមិនប្រក្រតីចុងឆ្នាំ២០២៣ ដល់ឆ្នាំ២០២៤ថ្មីត្រូវបានមេឃុំ ចំនួនពីឆ្លើយដាក់ទៀត រឿងគម្រោងដេញថ្លៃផ្លូវបេតុងអាមេ ដែលមិនដាក់ប្រកាសឱ្យដេញថ្លៃ នៅឃុំសេដានឹងឃុំគោកស្រុក នៃស្រុកតំបែ....

ផឹកស្រាស្រវឹង មកដល់ផ្ទះប្រពន្ធនិងម្តាយក្មេកជេរស្តី ទប់កំហឹងមិនបានទាញដំបងឈើវាយម្តាយក្មេករងរបួសធ្ងន់

កំពង់ស្ពឺ៖ បុរសជាកូនប្រសាចិត្តស្លុយម្នាក់ត្រូវបានកម្លាំងនគរបាលស្រុកឱរ៉ាល់ឃាត់ខ្លួនភ្លាមៗ ខណៈដែលដើរផឹកស៊ីស្រវឹងត្រឡប់មកផ្ទះវិញត្រូវប្រពន្ធនិងម្តាយក្មេកជេរស្តីបន្តិចបន្តួច ទប់កំហឹងមិនបានទាញដំបងឈើវាយទៅលើម្តាយក្មេកបណ្តាលឱ្យរងរបួសធ្ងន់ធ្ងរ បង្កឱ្យមានការភ្ញាក់ផ្អើល។

ហេតុការណ៍កូនប្រសាវាយម្តាយក្មេករងរបួសធ្ងន់ហើយនគរបាលឃាត់បាននេះកើតឡើងកាលពី ថ្ងៃទី១ ខែ មករា ឆ្នាំ២០២៤ នៅចំណុចទំនប់ពាមល្វា ភូមិពោធិមាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។

សមត្ថកិច្ចស្រុកបានឱ្យដឹងថា មានករណីអំពើហិឋង្សាក្នុងគ្រួសារមួយកើតឡើងដែលបង្កដោយជនសង្ស័យឈ្មោះ ឆាង ដា  ភេទប្រុស អាយុ២៨ឆ្នាំត្រូវជាកូនប្រសា រស់នៅភូមិ ពោធិមាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានធ្វើសកម្មភាពយកដំបងឈើជ្រុងប្រវែង១៣០សង់ទីម៉ែត្រ វាយទៅលើម្តាយក្មេកឈ្មោះ ឡេង ចិន្តា អាយុ៥៨ឆ្នាំ រស់នៅផ្ទះជាមួយគ្នាត្រូវចំថ្ពាល់ខាងឆ្វេងបណ្តាលឱ្យរងរបួសឆ្ងន់ ហើយត្រូវបានសាច់ញាតិបញ្ជូនទៅមន្ទីរពេទ្យបង្អែកកំពង់ស្ពឺ។ 

នគរបាលស្រុកឱរ៉ាល់បានបន្តថា រឿងហេតុខាងលើដែលបានកើតឡើងបណ្តាលមកពីជនសង្ស័យជាកូនប្រសាបានដើរលេងផឹកស៊ីស្រវឹងហើយត្រឡប់ចូលមកដល់ផ្ទះវិញត្រូវប្រពន្ធនិងម្តាយក្មេកជេរស្តីបន្តិចបន្តួច។

ពេលនោះ ជនសង្ស័យជាកូនប្រសាទប់កំហឹងមិនបានក៏ស្ទុះទៅយកដំបងទៅវាយម្តាយក្មេកបណ្តាលឱ្យរងរបួសធ្ងន់តែម្តង។  ស្រាវជ្រាវឃាត់ខ្លួនជនសង្ស័យខាងលើយកមកអធិការដ្ឋាននគរបាលស្រុកឱរ៉ាល់ចាត់ការបន្តតាមផ្លូវច្បាប់៕