បែកធ្លាយលិខិតពីច្បាប់ជម្រាបមក លោកសឹង គិរីវណ្ឌី ស្តី អំពីភាពមិនប្រក្រតីចុងឆ្នាំ២០២៣ ដល់ឆ្នាំ២០២៤ថ្មីត្រូវបានមេឃុំ ចំនួនពីឆ្លើយដាក់ទៀត រឿងគម្រោងដេញថ្លៃផ្លូវបេតុងអាមេ ដែលមិនដាក់ប្រកាសឱ្យដេញថ្លៃ នៅឃុំសេដានឹងឃុំគោកស្រុក នៃស្រុកតំបែ....

 មន្រ្តីនគរបាលចរាចរ០១នាក់ បើកបរម៉ូតូល្មើសច្បាប់ចរាចរណ៍ផ្លូវគោក អត់ពាក់មួកសុវត្ថិភាព និងនិយាយទូរស័ព្ទ ត្រូវបានប្រធានអង្គភាពកោះហៅចូលមកផាកពិន័យតាមច្បាប់

ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ៖ កាលពីព្រឹកថ្ងៃទី១៩ ខែមករា ឆ្នាំ២០២៤ បន្ទាប់ពីបានឃើញការផ្សព្វផ្សាយព័ត៌មានផុសនៅលើបណ្តាញសង្គមទៅលើករណីមន្រ្តីនគរបាលចរាចរ០១នាក់បើកបរម៉ូតូលើដងផ្លូវសាធារណៈនៅក្នុងខណ្ឌពោធិ៍សែនជ័យ មិនពាក់មួកសុវត្ថិភាព និងនិយាយទូរស័ព្ទ។ភ្លាមនោះ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យលោកនាយការិយាល័យនគរបាលចរាចរណ៍ផ្លូវគោក ស្រាវជ្រាវរកមន្រ្តីបើកបរល្មើសច្បាប់ចរាចរណ៍ដើម្បីឱ្យចូលមកផាកពិន័យតាមច្បាប់។

លោកអនុសេនីយ៍ឯក ព្រាប តារា មន្ត្រីនគរបាលចរាចរណ៍ ហើយនៅថ្ងៃដដែលត្រូវបានចូលមកអង្គភាពការិយាល័យនគរបាលចរាចរណ៍ផ្លូវគោក ដើម្បីផាកពិន័យតាមច្បាប់ទី១,មិនពាក់មួកសុវត្ថិភាព ចំនួន៦០,០០០រៀល និងទី២,ប្រើប្រាស់ទូរស័ព្ទពេលបើកបរ ចំនួន៨០,០០០រៀល៕