បែកធ្លាយលិខិតពីច្បាប់ជម្រាបមក លោកសឹង គិរីវណ្ឌី ស្តី អំពីភាពមិនប្រក្រតីចុងឆ្នាំ២០២៣ ដល់ឆ្នាំ២០២៤ថ្មីត្រូវបានមេឃុំ ចំនួនពីឆ្លើយដាក់ទៀត រឿងគម្រោងដេញថ្លៃផ្លូវបេតុងអាមេ ដែលមិនដាក់ប្រកាសឱ្យដេញថ្លៃ នៅឃុំសេដានឹងឃុំគោកស្រុក នៃស្រុកតំបែ....

 

ជនសង្ស័យម្នាក់ជាជនជាតិចិន ពាក់ព័ន្ធករណីហិង្សាដោយចេតនា និងកាន់កាប់អាវុធដោយគ្មានការអនុញ្ញាត ត្រូវបានកម្លាំងចំរុះ នៃស្នងការដ្ឋាននគរបាលរាជធានីភ្នំពេញ ស្រាវជ្រាវឃាត់ខ្លួន.!

ភ្នំពេញ៖ កាលថ្ងៃទី០៣ ខែធ្នូ ឆ្នាំ២០២៣ វេលាម៉ោង១៤:៣០នាទី កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ សហការជាមួយកម្លាំងអធិការដ្ឋាននគរបាលខណ្ឌចំការមន ស្រាវជ្រាវឃាត់ខ្លួនជនសង្ស័យចំនួន០១នាក់ នៅចំណុចមុខខុនដូបាលី៥ ផ្លូវចៃកា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ព័ន្ធករណីហិង្សាដោយចេតនា និងកាន់កាប់អាវុធដោយគ្មានការអនុញ្ញាត ប្រព្រឹត្តនៅចំណុចខុនដូបាលី៥ បន្ទប់លេខបេ៦ ជាន់ទី៣២ ផ្លូវចៃកា សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី០២ ខែធ្នូ ឆ្នាំ២០២៣។

ជនសង្ស័យឈ្មោះ YU SHUANGJUN ភេទ ប្រុស ជនជាតិ ចិន មុខរបរ ចងការប្រាក់ ស្នាក់នៅខុនដូបាលី៥ បន្ទប់លេខបេ៦ ជាន់ទី៣២ ផ្លូវចៃកា សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

 

វត្ថុតាងចាប់យក៖ រថយន្តម៉ាកJEEP WRANGLER ពណ៌ស សេរីឆ្នាំ២០២១ ពាក់ផ្លាកលេខភ្នំពេញ២BV-៩៥៣៣,  អាវុធខ្លីម៉ាក BABY HI-CAPA 3.8 (ប្រើប្រាស់កម្លាំងហ្គាស់), បង់អាវុធចំនួន ០១ (សម្រាប់បញ្ជូនហ្គាស់), គ្រាប់ជ័រ ពណ៌ ស មួយចំនួន។ 

បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕