ជនសង្ស័យ៣នាក់ត្រូវបានសមត្ថកិច្ចឃាត់ខ្លួនពីរបទ សមគំនិតក្នុងអំពេីចាប់ និងបង្ខាំង(ជំរិត)ដោយខុសច្បាប់មានស្ថានទម្ងន់ទោស..

កណ្តាល៖ កាលពីថ្ងៃទី ១១ខែ ឧសភា ឆ្នាំ២០២៥ វេលាម៉ោង១៣និង៤០នាទី នៅត្រង់

ចំណុចៈភូមិ ពោធិស្មាត ឃុំ ជើងកើប ស្រុក កណ្ដាលស្ទឹង ខេត្ត កណ្ដាល។

ជនរងគ្រោះ ០១នាក់៖

១.ឈ្មោះ Ding hui ភេទប្រុស អាយុ ៣០ឆ្នាំ រស់នៅ ខេត្តហឺណាន ប្រទេសចិន។ ចំណែកជនសង្ស័យ ០៣នាក់

១.ឈ្មោះ ប៉ែន ណូរ៉ា ភេទប្រុស អាយុ៣២ឆ្នាំ រស់នៅភូមិ ក្រាំងចំរើន ឃុំ តាំងយ៉ាប ស្រុក ព្រៃកប្បាស ខេត្ត តាកែវ។

-មុខរបរ មិនពិតប្រាកដ(ឃាត់ខ្លួននៅផ្នែកចរាចរណ៍)

២.ឈ្មោះ ហ៊ិប ចន ភេទប្រុស អាយុ ២៩ឆ្នាំ មានទីលំនៅភូមិ ធម្មតា ឃុំ រុនតាឯក ស្រុក បន្ទាយស្រី ខេត្ត សៀមរាប។ ស្នាក់នៅផ្ទះជួលខណ្ឌសែនសុខ រាជធានីភ្នំពេញ។

-មុខរបរ មិនពិតប្រាកដ(ឃាត់ខ្លួន)

៣.ឈ្មោះ ថាច ភេទប្រុស មិនស្គាល់អត្តសញ្ញាណ(គេចខ្លួន)។

*សម្ភារៈបាត់បង់រួមមាន*

-លិខិតឆ្លងដែន ០១ ច្បាប់

-កាបូបដាក់លុយ មានលុយចំនួន ៣០០ដុល្លា

*វត្ថុតាងចាប់យករួមមាន*

-ឡាន ០១គ្រឿងម៉ាកtoyota alphard ពណ៌ស ពាក់ផាកលេខភ្នំពេញ 2BX-5692(រក្សាទុកនៅផ្នែកចរចរាចរណ៍)

-ទូរសព្ទ០១ គ្រឿង iphone pro Max

មុនពេលកើតហេតុ កាលពីថ្ងៃទី០១ ខែឧសភា ឆ្នាំ២០២៥ជនរងគ្រោះ បាននិយាយទាក់ទងជាមួយឈ្មោះ ជីងជីង ជី ភេទប្រុស ជាជនជាតិចិនដូចគ្នាតាមរយះV Chat ថាឲ្យជនរងគ្រោះមកប្រទេសកម្ពុជាធ្វើការងារល្អបានប្រាក់ខែច្រើន ហើយបានទាក់ទងជាមួយគ្នាតាមV Chat ជាច្រើនដង រហូតមកដល់ថ្ងៃទី ១១ ខែឆ្នាំដដែលវេលាម៉ោង០៦:០០នាទីទើបជនរងគ្រោះបានធ្វើដំណើរពីប្រទេសចិនមកកាន់ប្រទេសកម្ពុជាតាមជើងយន្តហោះ បន្ទាប់មកនៅវេលាម៉ោង០៨:៣០នាទីទើបមកដល់ប្រទេសកម្ពុជា រីឯជនសង្ស័យបានទៅកក់សណ្ឋាគារនៅមុខព្រលានយន្តហោះភ្នំពេញ បន្ទាប់មកទៀតនៅវេលាម៉ោង ០៩ និង ១៥ នាទីឈ្មោះជីងជីង ជីបានផ្ញើសារតាមV Chat ថាមានឡានប៉ុន្មាន toyota alpard ពណ៌សពាក់ផ្លាកលេខ ភ្នំពេញ 2BX-5692 មកដល់មុខសណ្ឋាគារហើយ ពេលនោះជនរងគ្រោះក៏ឡើងឡានឃើញមានតែជនសង្ស័យម្នាក់ឈ្មោះ ហ៊ិប ចន ជាតៃកុងឡានជាជនជាតិខ្មែរ ពេលជិះបានប្រហែល ៥០ ម៉ែត្រ តៃកុងឡានបានឈប់ហើយក៏មានជនសង្ស័យ ០២នាក់មានឈ្មោះ ប៉ែន ណូរ៉ា និងឈ្មោះថាច ជាជនជាតិខ្មែរបានឡើងឡានជិះជាមួយ ហើយជនសង្ស័យឈ្មោះហ៊ិប ចន បានឲ្យជនសង្ស័យឈ្មោះ ប៉ែន ណូរ៉ា ជាអ្នកបើកឡានវិញម្ដង ហើយជនសង្ស័យឈ្មោះ ហ៊ិប ចន បានអង្គុយមុខនៅក្បែរតៃកុង និងជនសង្ស័យឈ្មោះ ថាច អង្គុយនៅក្បែរជនរងគ្រោះ លុះជិះបានប្រហែលមួយម៉ោងក៏បានជួបសមត្ថកិច្ចចរាចរណ៍ដាក់គោលដៅ ហើយសមត្ថកិច្ចក៌បានហៅ ឡានឱ្យឈប់ ពេលនោះជនសង្ស័យឈ្មោះ ប៉ែន ណូរ៉ាក៏បានចុះទៅនិយាយប្រហែល ៥ ទៅ ១០ នាទីរួចក៏ធ្វើដំណើរទៅបន្តទៀត ពេលជិះមកដល់ការ៉ាស់សាំងមួយជនរងគ្រោះបានសុំឈប់ដើម្បីឈឺនោម តែអ្នកបេីកបររថយន្តមិនព្រមឈប់ទេ ពេលនោះជនរងគ្រោះព្យាយាមបើកទ្វារឡានតែជាប់ឡុក លុះមកដល់វេលាម៉ោង១១:៣០នាទីនាថ្ងៃដដែល ពេលជិះមកដល់កន្លែងស្ងាត់ជនសង្ស័យឈ្មោះ ហ៊ិប ចន បានថ្លោះមកក្រោយ និងជនសង្ស័យឈ្មោះថាច បានអូសជនរងគ្រោះទៅកៅអីជួរទី៣រួចជនសង្ស័យទាំងពីរនាក់បានវ៉ៃមកលើជនរងគ្រោះ និងដណ្ដើមលិខិតឆ្លងដែន ទូរសព្ទ និងកាបូបលុយនៅក្នុងកាបូបមានលុយចំនួន ៣០០ ដុល្លារ រហូតដល់ម៉ោង ១៣:៤០នាទីពេលជិះមកតាមផ្លូវរថយន្តរបស់ជនសង្ស័យបានជួបគ្រោះថ្នាក់ចរាចរណ៍បុកជាមួយនឹងម៉ូតូ បណ្ដាឲ្យមានមនុស្សស្លាប់ម្នាក់នឹងរងរបួសធ្ងន់ម្នាក់ ធ្វើអោយរថយន្តធ្លាក់ផ្លូវ បន្ទាប់មកជនសង្ស័យទាំងបីនាក់ខាងលើ បានចុះពីលើឡានរត់គេចខ្លួន ហើយជនរងគ្រោះក៏បានចុះពីលើឡានតាមក្រោយ នឹងបានដើរទៅរកមើលនៅក្នុងឡានឃើញទូរសព្ទនិងអត្តសញ្ញាណប័ណ្ណរបស់ជនរងគ្រោះ តែមិនឃើញលិខិតឆ្លងដែននិងកាបូបលុយ ភ្លាមនោះសមត្ថកិច្ចបានមកដល់រួចហៅជនរងគ្រោះ និងឃាត់ខ្លួនជនសង្ស័យពីរនាក់ឈ្មោះ ប៉ែន ណូរ៉ានិងឈ្មោះ ហ៊ិប ចន មកអធិការដ្ឋានដើម្បីសួរនាំ ។

តាមចម្លើយសារភាពរបស់ជនសង្ស័យឈ្មោះ ហ៊ិប ចន នៅថ្ងៃទី ១១ ខែ ឧសភា ឆ្នាំ ២០២៥ វេលាម៉ោង ០៤:០០នាទី ថៅកែស្រីរបស់ជនសង្ស័យទាំងបីនាក់មិនស្គាល់ឈ្មោះហើយប្ដីជាជនជាតិចិន បានផ្ញេីរសារសំឡេងតាមតេឡេក្រាមឲ្យជនសង្ស័យទាំងបីនាក់ខាងលើ មានការងារធ្វើទៅយកជនជាតិចិននៅសណ្ឋាគារមុខព្រលានយន្តហោះភ្នំពេញ នៅកន្លែងដដែល បន្ទាប់មកនៅវេលាម៉ោង០៩:០០នាទីនាថ្ងៃដដែល ជនសង្ស័យទាំងបីនាក់បានជិះឡានមួយគ្រឿងម៉ាក toyota alpard ពណ៌សខាងលើ ទៅយកជនជាតិចិន ពេលជិះមកដល់ស្រុកទឹកឈូក ជនសង្ស័យឈ្មោះ ហ៊ិប ចន នឹងឈ្មោះថាច បានដកហូតលិខិតឆ្លងដែន ទូរសព្ទ និងកាបូបលុយពីជនរងគ្រោះតែជនរងគ្រោះមិនព្រមរួចជនសង្ស័យទាំងពីរនាក់បានវាយមកលើជនរងគ្រោះ ហើយឆក់យកលិខិតឆ្លងដែន ទូរសព្ទ និងកាបូបលុយ ពីជនរងគ្រោះមកទុក ភ្លាមនោះថៅកែស្រីខាងលើបានឆាតមកជនសង្ស័យឈ្មោះប៉ែន ណូរ៉ា ឲ្យដឹកជនរងគ្រោះទៅបាវិតវិញ បន្ទាប់មកជនសង្ស័យឈ្មោះប៉ែនណូរ៉ាបានបកឡានជិះត្រឡប់មកតាមផ្លូវជាតិលេខ ៣ ហើយក៏បានឡើងតាមផ្លូស៊ីជីពីង(ក្រវាត់ក្រុងទី ៣)ហើយក៏បានជួបគ្រោះថ្នាក់ចរាចរណ៍បុកជាមួយនឹងម៉ូតូបណ្ដាលឲ្យមានមនុស្សស្លាប់ហើយឡានធ្លាក់ផ្លូវ។